Азаранка распавяла аб стасунках з новым трэнерам

Экс-першая ракетка свету беларуска Вікторыя Азаранка распавяла пра свае стасункі са сваім новым трэнерам Вімам Фісэтам.

«Знайсці трэнера вельмі няпроста, асабліва мне - у мяне за ўсю прафесійную кар'еру іх было ўсяго два. Так што мне прыйшлося пашукаць. Але рэзюмэ Віма вельмі ўражвае.

Але ўсё роўна мне здаецца, што рэзюмэ, увогуле, нічога не значыць. Галоўнае - гэта сувязь, гэта стаўленне да чалавека. Часам гэта нашмат важней, чым любы навык. Асабліва на такім высокім узроўні», - прыводзіць словы Азаранка sports.ru са спасылкай на Tennis.com.