Бэнксі намаляваў кацянё ў сэктары Газа
1- 26.02.2015, 14:48
- 9,209
Мастак-графіціст Бэнксі пабываў у разбураных раёнах сэктара Газа і зрабіў там сэрыю твораў, якія выклаў на сваім сайце.
Сярод твораў - дзеці, што катаюцца на каруселі, зробленай з вартавой вежы, і кацяня, якое гуляецца з арматурай, піша «Газета.Ru».
«Адзін з тутэйшых падышоў і спытаў, што гэта значыць. Я растлумачыў, што хацеў звярнуць увагу на разбурэнні ў Газе, змясціўшы фатаграфіі твораў на сваім сайце - а інтэрнэт-карыстальнікі цяпер цікавяцца толькі фатаграфіямі кацянят», - растлумачыў Бэнксі.
Бэнксі таксама падаў на сайце сатырычны ролік, які рэкламуе турыстычныя магчымасці сэктара Газа.