Навукоўцы вызначылі прычыну багацця
5- 26.02.2015, 16:24
- 21,190
Схільнасць да зберажэння і назапашвання грошай можа быць закладзеная ў чалавеку генетычна.
Пра гэта гаворыцца ў новым даследаванні, апублікаваным у Chicago Journal, піша «Карэспандэнт».
Генры Кронвіц і Стэфан Сігель супаставілі звесткі шведскага рэестра братоў і блізнят, а таксама індывідуальныя звесткі аб асабістым багацці, якія падатковая служба Швецыі падае для навукоўцаў. У разлік былі ўзятыя звесткі аб растратах і агульным фінансавым стане блізнят у перыяд з 2003 да 2007 года.
У выніку навукоўцы заўважылі, што моназіготныя (аднаяйкавыя) блізняты - носьбіты аднаго генатыпу, куды больш падобныя адзін на аднаго сваімі адносінамі да фінансаў, чым дзізіготныя блізняты з адрозным наборам генаў. Гэта адрозненне мелася больш чым у траціне выпадкаў, калі двайняты праяўлялі нетыповыя для свайго брата або сястры паводзіны ў сферы грашовага зберажэння.
«Мы і многія іншыя эканамісты нават не задумваемся аб такім становішчы спраў, бо гэта ідзе ў разрэз з агульнапрынятым спосабам усведамлення чалавечай прыроды і індывідуальнасці што да ўласных фінансаў», - адзначае Стэфан Сігель.
Раней даследчыкі ўжо рабілі спробы звязаць генетыку з эканомікай. У даследаванні, апублікаваным у Journal of Finance ў 2010 годзе, была апісаная тэорыя, як гены ўплываюць на схільнасць чалавека прымаць рызыкоўныя пастановы ў бізнэсе. Гэтая сфера даследаванняў уважаецца за наступную прыступку пасля нейраэканомікі і ўжо прэтэндуе на званне геннай эканомікі.