Мядзведзям-п'яніцам з Сочы знайшлі прытулак у Румыніі

Двух сляпых мядзведзяў, якіх прывучылі да алкаголю наведвальнікі адной з рэстарацый Сочы, пераедуць у Румынію.

Выратаваць мядзведзяў узяўся міжнародны дабрачынны фонд "Вялікія сэрцы", паведамляе BBC.

Перавозку жывёлін з Расеі ў Румынію аплаціць Фонд Брыжыт Бардо. Звяры паселяцца ў мядзведжым парку ў Трансільваніі, дзе іх будуць лячыць.

Піва для мядзведзяў

Мядзведзі знойдуць новы дом у мядзведжых парку ў Трансільваніі за 25 км на поўдзень ад румынскага горада Брашаў. У парку ёсць рэабілітацыйны цэнтр, дзе ратуюць жывёл, пацярпелых ад жорсткасці людзей.

Фонд "Вялікія сэрцы" і ягоны кіраўнік Ганна Коган ўзялі на сябе клопат пра выратаванне сочынскіх мядзведзяў. "Гэта вельмі дарагі працэс", - сказала Коган.

Больш за 20 гадоў два мядзведзі правялі ў жахлівых умовах у адной з рэстарацый грузінскай кухні ў Сочы, Алімпійскай сталіцы 2014 года, дзе іх з адабрэння гаспадароў для пацехі спайваюць наведвальнікі.

Мядзведзі даслоўна патаналі ў піве, гаворыцца на сайце фонду "Вялікія сэрцы". "Піва карысна для мядзведзяў у сочынскім клімаце", - цытуе словы ўладальніка рэстарацыі фонд, які распавёў аб долі жывёлін ў снежні 2014 года.

Гаспадар казаў, што гэта не ягоная справа, чым пояць звяроў наведвальнікі. Сам ён толькі корміць іх і дае ваду.

У 2012 годзе мясцовыя актывісты выступілі ў абарону жывёлін, пракуратура пачала расследаванне, а пазней суд пастанавіў канфіскаваць іх ва ўладальнікаў.

Нягледзячы на гэта, звяроў пастанавілі пакінуць у былога гаспадара да сакавіка.

"Перашкаджаць не будзем"

Ветэрынары мяркуюць, што звяроў можна вылечыць ад алкагалізму.

У мядзведжым парку ў Румыніі назапашаны вялікі досвед працы з хворымі жывёлінамі. Спецыялісты парку працавалі з мядзведзямі-танцорамі, якія зазналі падобныя праблемы. Гэта можна зрабіць, запэўніла Коган.

Але перш ім трэба патрапіць туды, дзе ім нададуць кваліфікаваную медыцынскую дапамогу.

"Мы гатовыя прафінансаваць усё аж да часовай ператрымкі. Гатовыя аплаціць клеткі і перавозку жывёлін морам у румынскі порт Канстанцу. Грашыма мае намер дапамагчы Фонд Брыжыт Бардо", - сказала Ганна Коган у інтэрв'ю ТАСС.

Міністэрства прыродных рэсурсаў Краснадарскага краю заявіла, што не будзе перашкаджаць вывазу жывёлін, але дабрачынны фонд павінен сам пра ўсё дамовіцца і аформіць дакументы.

"Мы перашкаджаць не будзем", - сказаў прадстаўнік міністэрства.

Створаны ў 2011 годзе фонд "Вялікія сэрцы" знаходзіцца ў Лондане. Фонд займаецца наданнем дапамогі жывёлінам у Расеі і разлічвае распаўсюдзіць сваю дзейнасць на іншыя краіны былога СССР.

"Дапамагаючы жывёлінам, мы дапамагаем людзям", - кажа стваральнік фонду Ганна Коган.