Генерал Кларк: Дыпламатыя не спрацуе, пакуль ЗША не ўзброяць Украіну

Былы галоўны начальнік NATO нагадвае, што апошнія канфлікты хутка заканчваліся, калі ўмешвалася войска ЗША.

Пасля халоднай вайны ЗША атрымалі нялёгкі ўрок, які вучыць, што Вашынгтону трэба рабіць для развязання міжнародных канфліктаў усё, што ў ягоных сілах.

«У Руандзе мы гэтага не зрабілі, і 800 тысяч людзей загінулі. У Босніі і Герцагавіне мы марудзілі, і больш за 100 тысяч чалавек загінулі, а яшчэ 2 мільёны сталі перасяленцамі да таго, як мы пачалі дзейнічаць. Надышоў час успомніць гэтыя ўрокі і пачаць дзейнічаць ва Украіне», - піша на старонках USA Today былы галоўны начальнік сіл NATO ў Еўропе ў часы вайны ў Косава Уэслі Кларк.

Ён нагадвае, што на Балканах ў 1991 годзе ЗША дазволілі Еўропе прымяніць дыпламатыю, каб спыніць агрэсію Сербіі. І дыпламатыя правалілася, піша zn.ua.

«Мы падтрымалі еўрапейцаў у просьбе да ААН увесці міратворцаў з Вялікабрытаніі, Францыі, Швецыі і нават Бангладэш. І гэта таксама не мела поспеху. Толькі калі ЗША ўзялі на сябе адказнасць і сілай падмацавалі дыпламатыю, канфлікт спыніўся», - піша Кларк.

На ягоную думку, сітуацыя ва Украіне склалася аналагічным чынам. І каб дыпламатычныя намаганні ЕЗ апраўдаліся, трэба стабілізаваць сітуацыю на фронце. А для гэтага ЗША павінны ўзброіць Украіну.

«Даць Украіне сродкі для самаабароны: процітанкавую зброю, супрацьзенітныя радары, беспілотнікі, прыборы начнога бачання і абароненыя сродкі сувязі. Для гэтага не трэба, каб амерыканскія жаўнеры ваяваць гэтак жа, як няма неабходнасці ўмяшання амерыканскіх ВПС. Гэта не апасродкаваная вайна з Расеяй, а проста дапамога маладой дэмакратыі, якая змагаецца за права самастойна выбіраць свой шлях», - піша амерыканскі вайсковец.

Кларк дадае, што Расею трэба прымусіць прызнаць усе межы Украіны, уключаючы Крым. І калі Крэмль не пагодзіцца на гэта, тады ўкраінцы павінны атрымалі усё патрэбнае ўзбраенне, каб спыніць расейскую агрэсію.

«Тым часам мы павінны паскорыць дастаўку мінімальнай дапамогі, якую ўжо паабяцалі, і заахвоціць хаўруснікаў неадкладна даставіць супрацьтанкавае ўзбраенне і сродкі для барацьбы з артылерыяй», - гаворыцца ў артыкуле.

Скептыкі ў Вашынгтоне і Еўропе асцерагаюцца, што перадача ўзбраення Украіне падштурхне Расею да наступу. Але на думку Уэслі Кларка, расейскія сілы таксама маюць межы. Прэзідэнт Уладзімір Пуцін спрабуе хаваць вайну супраць Украіны ад свайго грамадства. Але расейскія страты «усё цяжэй схаваць».

«Як афіцэр высокага рангу, які працаваў з Рычардам Холбрук над Дэйтонаўскім мірным пагадненнем і пазней камандаваў сіламі NATO пры ягоным выкананні, я ўважаю ўсе спрэчкі ў дачыненні да Украіны невыносна знаёмымі. Новае ў гэтай сітуацыі толькі нежаданне ЗША выканаць сваю ролю гаранта міру і бяспекі ў Еўропе», - піша Кларк.

Ён дадае, што без стабільнасці ў Еўропе і яе падтрымкі амерыканцы не змогуць супраціўляцца сусветнаму тэрарызму, паспяхова супрацоўнічаць з Азіяй і будаваць паспяховае амерыканскае грамадства.

«Стратэгічная» цярплівасць «пацерпіць няўдачу, калі мы змірымся з расейскай агрэсіяй супраць Украіны», - мяркуе амерыканскі генерал.

Сёння стала вядома, што дырэктар нацразведкі ЗША выступіў за пастаўкі смяротнага ўзбраення ва Украіну.

«Пастаўкі зброі Украіне выклічуць негатыўную рэакцыю расейскага народа, што павялічыць падтрымку Пуціна і развяжа яму рукі для легальнай пастаўкі баявікам больш дзейснай зброі, напрыклад, гелікоптэраў і самалётаў», - дадаў кіраўнік нацразведкі ЗША, каментуючы афіцыйную пазіцыю выведкі.

Многія заходнія палітыкі ўпэўненыя ў тым, што ЗША абавязкова трэба прыняць пастановы аб пастаўках ва Украіну зброі, так як гэта дасць пазітыўны прыклад для іншых краін. Пра гэта заявіў пасол Польшчы ў ЗША Рышард Шнэпф.