Дэлегацыя МЗС Літвы прыбыла ў Менск
- 27.02.2015, 21:18
- 3,816
Намесніца міністра замежных спраў Беларусі Алена Купчына 27 лютага сустрэлася з дэлегацыяй МЗС Літвы.
Пра гэта паведамляе прэс-служба беларускага замежнапалітычнага міністэрства.
Літоўскую дэлегацыю ўзначальваў дырэктар дэпартамэнта палітыкі ўсходняга суседства МЗС гэтай краіны Марус Януконіс.
Стораны абмеркавалі пытанні ўзаемных стасункаў, а таксама ўзаемадзеянне Беларусі з Еўразвязам.
Перамовы з літоўскай дэлегацыяй у МЗС Беларусі таксама правялі начальнік дэпартамэнта Еўропы Валерый Курдзюкоў і начальнік дэпартамэнта агульнаеўрапейскага супрацоўніцтва Дзяніс Сідарэнка.
