19-гадовы беларус з палка «Азоў»: Чым слабейшая Расея, тым мацнейшая Беларусь

Былы футбольны фанат з Менска ваюе за свабоду Украіны.

Беларус Арцём заявіў у інтэрв'ю «Нашай Нiве», што змагаецца за «дабро» і не плануе вяртацца на радзіму. З ягоных слоў, чым слабейшая Расея, тым больш магчымасцяў у беларусаў для адраджэння сваёй мовы і культуры.

Арцём знаходзіцца ва Украіне паўгода. Свой дзевятнаццаты дзень нараджэння беларус сустрэў у палку «Азоў». Бацькі добраахвотніка катэгарычна супраць пастановы сына. Ён сам мяркуе, што ў Беларусі яго чакае альбо ціск з боку КДБ, альбо турма.

Нагадаем, многія беларусы бяруць удзел у антытэрарыстычнай аперацыі на ўсходзе Украіны.