Дзёрзкі напад на краму дарагіх гадзіннікаў у цэнтры Менска (Фота)
42- 6.02.2015, 11:15
- 44,928
У цэнтры Менска, на вуліцы Камсамольскай, адбыўся напад на краму дарагіх гадзіннікаў.
А 5-й раніцы невядомыя разбілі шкляныя ўваходныя дзверы, піша «Наша Нiва».
На месцы здарэння працуе следчая група, ідзе вопіс маёмасці. У Следчым камітэце ад каментароў пакуль адмовіліся, прапанаваўшы сачыць за абнаўленнямі на сайце СК.
Нагадаем, што два тыдні таму, 20 студзеня, у Менску, на праспекце Незалежнасці, быў учынены напад на ювелірную краму Ziko. А 17.00 прадавец салона заўважыў, як адзін з наведвальнікаў спрабуе скрасці ювелірныя вырабы. Ён паспрабаваў перашкодзіць крадзяжу. Падчас бойкі невядомы ўдарыў прадаўца і збег.