Павел Клімкін: Не хвалюйцеся, на Украіну не ціснуць
9- 6.02.2015, 11:50
- 21,384
Сустрэча канцлеркі ФРГ Ангелы Мэркель, прэзідэнта Французскай Рэспублікі Франсуа Аланда і прэзідэнта Украіны Пятра Парашэнкі «прайшла добра».
Пра гэта ў «Твітэры» напісаў міністр замежных спраў Украіны Павел Клімкін.
«Сустрэча нармандскай тройкі прайшла добра. Не хвалюйцеся. На Украіну не ціснуць. Францыя і Нямеччына дапамагаюць нам вярнуць мір», - адзначыў ён.
З ягоных слоў, на сустрэчы абмяркоўваліся крокі, якія неабходна зрабіць, каб Менскія пагадненні запрацавалі.
«Адзначу: усе дамоўленасці, а не некаторыя з іх. Пра тое, што гэта не меню, вы ведаеце», - дадаў міністр.
Нагадаем, 5 лютага ў другой палове дня падчас пяцігадзінных перамоваў Пятра Парашэнкі з Франсуа Аландам і Ангелай Мэркель былі распрацаваныя сумесныя прапановы для ўвасаблення Менскіх пагадненняў. Сёння яны абмяркуюць гэты план з Пуціным.