«Падарожжы братоў Грым»: казачныя пейзажы вачыма фатографа

Нямецкі фатограф Кіліан Шонбэргэр прэзентаваў сваю новую серыю містычных фотаздымкаў пад назвай «Падарожжы братоў Грым».

Любімы прыём фатографа - гэта пабудова люстраной кампазіцыі: адлюстраванні ў вадзе, паўтаральныя лініі... Усё гэта сапраўды нагадвае казку, прыцягвае і зачароўвае. Кіліан Шонбэргэр паказаў людзям свет фантазій, пераплецены з рэальнасцю, выявіўшы старадаўнія замкі, снежныя пейзажы і цудоўныя абшары, піша «Інтэрфакс».

Яны выклікаюць розныя эмоцыі: як светлую радасць, так і халодны страх, схаваны ў разбуранай вясковай хаце, або велізарную таямніцу, якая хаваецца на пакрытай туманам сцежцы, якая вядзе за гарызонт.