Пасольства Расеі ў Празе пікетавалі пад бел-чырвона-белымі сцягамі
2- 9.02.2015, 9:55
- 7,784
Антываенная акцыя прайшла ля амбасады РФ у Чэхіі 8 лютага.
«Пуцін, рукі прэч ад Украіны!» - пад такім дэвізам чэхі, украінцы і беларусы правялі акцыю салідарнасці з Украінай, паведамляе «Радыё Свабода».
Удзельнікі разгарнулі вялікае 10-метровае жоўта-блакітнае палотнішча, а таксама некалькі бел-чырвона-белых і чэшскіх сцягоў. Людзі скандавалі «Слава Украіне» і маліліся за ўкраінскіх вайскоўцаў, якія абараняюць родную зямлю ад акупантаў.
«18 гадоў тут жывем. Заўсёды прыходзім, каб падтрымаць украінцаў. Гэта нашы браты, суседзі. Ад сітуацыі ва Украіне і наша будучыня залежыць. Мы не паспелі разам з прыбалтамі ўцячы ад маскоўскага іга. А цяпер Масква ўжо моцная», - сказаў адзін з беларусаў, якія бралі ўдзел у акцыі.
Дэманстранты праспявалі ўкраінскі гімн і ўшанавалі памяць загінулых хвілінай маўчання.
