Стыў Джобс паводле беларускіх законаў таксама «дармаед»

Кампаніі маштабу Apple Inc у Беларусі ніколі не з'явяцца з такімі законамі.

Гэта адна з высноў, якую зрабіў вядомы беларускі блогер Яўген Ліпковіч, піша camarade.biz.

Да 13 лютага чыноўнікі павінны дапрацаваць праект дэкрэта Лукашэнкі, накіраваны на стымуляванне занятасці грамадзян. Такую задачу ім паставіў беларускі кіраўнік, са слоў якога «такія з'явы, як дармаедства, людзі, што лайдачаць, наносяць вялікую шкоду грамадству».

Лукашэнка падкрэсліў, што дакумент павінен быць «абсалютна адэкватны ў абстаноўцы, што складваецца». «Дармаеды, лайдакі павінны працаваць. Хто не плаціць падаткі - павінен плаціць. Гэта нармальная, цывілізаваная норма», - заявіў ён на нарадзе 13 студзеня.

«Падаткі - гэта плата за цывілізацыю, - адзначае Яўген Ліпковіч. - А калі цывілізацыя, якая будуецца на мае падаткі, мяне не задавальняе? Калі я дакладна ведаю, што мае падаткі трацяцца неэфектыўна (адна продаж Вэлкома чаго вартая), адвольна, я ж ніяк не кантралюю марнаванні...»

У якасці такой неэфектыўнасці ён прывёў простыя прыклады з паўсядзённага жыцця, якія ва ўсіх, што называецца, знаходзяцца на вачах.

«На мае падаткі ўзводзяцца спартыўныя арэны, якія не акупляюцца, і каб іх утрымліваць неабходны новыя падаткі. Урад датуе неэфектыўныя прадпрыемствы, падтрымлівае на іх утоенае беспрацоўе, і гэтыя людзі атрымліваюць заробак, але нічога не робяць. Калі іх звольніць - нікога не трэба будзе абкладаць дадатковымі падаткамі», - адзначае блогер.

Ён заўважае, што перад тым, як зноў абдзіраць грамадзян, дзяржава сама павінна «вярнуць чужое».

«Урад не расплаціўся па сваіх запазычанасцях (уклады былога СССР), і карыстаецца маімі грашыма дагэтуль, - адзначае Ліпковіч. - З адсоткамі, якія ўжо набеглі - гэта велізарныя грошы, якія з лішкам перакрываюць тое, што яны думаюць, ад нас атрымаць».

Акрамя гэтага, са слоў блогера, калі ў чалавека на дэпазіце ёсць грошы, і ён жыве на адсоткі, то ён таксама паводле нашых законаў з'яўляецца дармаедам.

«Стыў Джобс паводле нашых законаў - таксама дармаед. Заробак чыста намінальны ў 1 даляр ЗША», - дадае ён.

Таму, мяркуе Ліпковіч, з такімі законамі, якія дзейнічаюць у нашай краіне, у Беларусі ніколі не з'явяцца кампанія маштабу Apple Inc.

«І, нарэшце, апошняе - мы выглядаем як пасмешышча. Навошта нам даваць грошы ў запазычанасць, калі можна абкласці падаткам жаночыя ногі, напрыклад. Чым карацейшыя - тым большы падатак. Закон, хутчэй за ўсё, прывядзе да падаражання працоўнай сілы, якая і так ужо не вельмі канкурэнтаздольная з улікам астатніх фактараў», - рэзюмаваў блогер.