Пачаўся збор сродкаў на помнік Рыгору Барадуліну
4- 9.02.2015, 14:23
- 6,969
Праект помніка стварыў скульптар Мікалай Байрачны.
24 лютага гэтага года споўнілася б 80 гадоў народнаму паэту Беларусі Рыгору Барадуліну. У сакавіку будзе гадавіна з дня ягонай смерці. Таму вясной плануецца паставіць помнік на магіле паэта ў родных Ушачах на Віцебшчыне. Скульптар Мікалай Байрачны распрацаваў праект, які адобрылі сваякі, піша БелаПАН.
Саюз беларускіх пісьменнікаў і "Згуртаванне беларусаў свету" мяркуюць, што годна ўвекавечыць памяць Рыгора Барадуліна - справа гонару ўсіх беларусаў, і звяртаюцца да кожнага, хто шануе памяць аб знакамітым беларускім паэце, выказаць яму сваю любоў і павагу, зрабіўшы свой уклад у стварэнне і ўсталяванне помніка.
Далучыцца да гэтай ганаровай справы можна, пералічыўшы грошы на дабрачынны рахунак, адкрыты на імя ўнучкі Рыгора Барадуліна:
ААТ "Беларусбанк" філіял 514 код 614 УНП 100420079
код віду ўкладу 9004 (дамова дабрачыннага рахунку №000039)
атрымальніца Кліміна Дамініка Канстанцінаўна
прызначэнне плацяжу - добраўпарадкаванне пахавання
Зрабіць плацёж можна ва ўсякім аддзяленні банка і таксама з дапамогай інфакіёскаў і інтэрнэт-банкінгу (выбраць "плацяжы" - "адвольныя плацяжы" - "плацёж па рэквізітах").