Менскі метрапалітэн: Праезд павінен каштаваць 7100 рублёў

Сабекошт адной паездкі ў менскім метро складае Br7,1 тыс.

Пра гэта паведаміў сёння журналістам начальнік КУП «Менскі метрапалітэн» Расціслаў Юрэня, піша БелТА.

Адказваючы на пытанне, ці паўплываюць вынікі талон абследавання ў менскім метро на ўвядзенне дыферэнцыраванай аплаты праезду, Расціслаў Юрэня сказаў: «Цяпер сабекошт адной паездкі ў метро складае Br7,1 тыс., летась яна была Br6,55 тыс. Вядома, правядзенне талон абследавання - гэта першы крок укаранення дыферэнцыраванай аплаты праезду. Але, каб усё правільна разумелі, увесці такі механізм аплаты вельмі няпроста. Магчыма, гэта лягчэй зрабіць у наземным транспарце, а не ў метро».

11 сакавіка кожнага пасажыра менскага метро пры ўваходзе на станцыю сустрэнуць супрацоўнікі метрапалітэна і выдадуць яму адмысловы рэгістрацыйны талон. На ім будзе паказаны нумар станцыі, на якой увайшоў пасажыр, і напамін пра неабходнасць здачы талона ў канцы паездкі. На талонах, якія будуць выдавацца пасажырам на першай лініі метро, гэтая інфармацыя будзе надрукаваная сінім шрыфтам. Для пасажыраў другой лініі - чырвоным. Усяго для правядзення абследавання надрукавана 1,2 млн. талонаў.

Суцэльнае вывучэнне пасажырапатоку праводзіцца для ўдасканалення графіка руху цягнікоў, вызначэння сярэдняй далёкасці паездкі пасажыраў, інтэнсіўнасці пасажырапатоку на ўсіх участках ліній метрапалітэна. Акрамя таго, адна з важных мэтаў абследавання - рэгістрацыя колькасці пасажыраў, якія карыстаюцца перасадачным вузлом «Кастрычніцкая» - «Купалаўская».

Падчас правядзення абследавання на станцыях і ў вагонах метро будуць размешчаныя інфармацыйныя ўлёткі, а па гучнагаварыцелю будуць гучаць адпаведныя аб'явы.