Кошты на «Камароўцы» прыводзяць менчукоў у шок
86- 11.03.2015, 18:41
- 117,805
Вэнджаны сібас там прадаюць за 1 650 тысяч, а тунец за 630 тысяч.
Дзе шукаць таннейшыя тавары ў крызіс, як не на рынку. «Комсомольская правда в Беларуси» зазірнула на Камароўскі рынак і пераканалася, што тут нямала коштаў, якія могуць уразіць сваёй сумай.
Каля прылаўкаў з рыбай пакупнікоў няшмат. Збольшага рыбу купляюць пенсіянеры.
- Пасля таго як кошт узняўся на 30%, пакупнікоў стала менш, - прызнаецца прадавец. - Што людзі бяруць? Вядома, рыбу таннейшую, да 100 тысяч за кіло: мінтай, мойву, салаку.
Хоць на прылаўку можна знайсці і філе чырвонага тунца за 630 тысяч. Але больш за ўсё нас уразіў сямізначны кошт чылійскага сібаса. Толькі... 1 650 тысяч рублёў.
- А чаму так дорага? - пытаюцца журналісты ў прадавачкі, але жанчына, усміхаючыся, адмахваецца.
- А асятра коштам 590 тысяч за кілаграм у вас бяруць?
- Асетр жа астраханскі! Тут чыстае мяса, філе.
А вось і краб за 1 мільён 200 тысяч.
- Гэта камчацкі краб! - тлумачыць прадавец. - Але ў гіпэрмаркеце ён яшчэ даражэйшы.
- І купляюць такі далікатэс?
- Так, але такіх запытаў няшмат. Балазе, у нас купляюць рыбу для добрых рэстарацый.
Прадаўцы сухіх пладоў таксама прызнаюцца: кошт вырас, але пакупнікоў не стала менш.
- Падаражэў моцна фундук. Напрыклад, летась ён каштаваў 200 тысяч, а цяпер - 298 тысяч. Але людзі бяруць, толькі меншымі порцыямі. Грамаў па 100.