У Францыі выкралі два фургоны з брыльянтамі

На паўднёвым усходзе Францыі ўчынены ўзброены напад на два фургоны, якія перавозілі брыльянты.

Паводле звестак праваахоўных органаў, раніцай 11 сакавіка на трасе, якая злучае Парыж і Ліён, блізу 15 ўзброеных злачынцаў спынілі два аўтамабілі, якія перавозілі брыльянты. Пад пагрозай зброі злачынцы прымусілі кіроўцаў выйсці з самаходаў і выкралі фургоны, паведамляе "Медуза".

Аўтамабілі, якія перавозілі брыльянты, былі знойдзеныя кінутымі і спаленымі недалёка ад месца нападу. Каштоўныя камяні выявіць пакуль не здалелі. Пошук нападнік працягваецца.

Праз напад на фургоны, якія перавозілі брыльянты, на паўднёвым усходзе Францыі разгорнутая маштабная спецаперацыя, якая пакуль не прынесла вынікаў.

Праваахоўныя органы Францыі пакуль не выдаюць прыблізнай вартасці выкрадзеных брыльянтаў.