Еўрапейская Рада даручыла распрацаваць план барацьбы з расейскай прапагандай

На чале дыпламатыі ЕЗ прапануюць падрыхтаваць план інфармацыйнай кампаніі ў рамках процідзеяння расейскім прапагандысцкім СМІ.

Пра гэта гаворыцца ў праекце даручэнні, падрыхтаваным для саміту ЕЗ, піша LB.ua.

«Еўрапейская рада прапануе Высокай прадстаўніцы (Магерыні)... падрыхтаваць да чэрвеня план дзеянняў у стратэгічнай камунікацыі ў падтрымку свабоды СМІ і еўрапейскіх каштоўнасцяў», - цытуе чарнавік дакумента агенцтва Reuters.

Мяркуецца, што дакумент будзе прыняты на саміце ЕЗ 19-20 сакавіка, наступная сустрэча еўрапейскіх лідараў адбудзецца ў чэрвені - менавіта да гэтага тэрміну Магерыні прапануецца падрыхтаваць сваю праграму.

Раней Магерыні заяўляла, што Еўразвяз працуе над стратэгічнай камунікацыяй, каб супрацьстаяць «прапагандзе на рускай мове» не толькі ў рэгіёне ўсходняга партнёрства або ў Расеі, але і ў ЕЗ.

Акрамя таго, міністры замежных спраў Эстоніі, Літвы, Даніі і Вялікабрытаніі ў сумесным звароце прапанавалі, каб Еўразвяз стварыў еўрапейскі тэлеканал, разлічаны на рускамоўных жыхароў супольнасці. За стварэнне такой ТВ таксама выступіла Украіна.