Праз адключэнне святла ў Малінаўцы ў ліфтах захраслі 19 чалавек

19 чалавек дэблакавалі ратавальнікі з ліфтаў падчас адключэння электраэнэргіі ў сталічным мікрараёне Малінаўка.

Пра гэта charter97.org паведамілі ў прэс-службе МНС.

«12 сакавіка а 18:45 паступіла паведамленне аб пашкоджанні электрычнага кабелю на падстанцыі «Паўднёва-Заходняя». Без электразабеспячэння заставаліся 260 шматкватэрных жылых дамоў, 9 інтэрнатаў, 8 ДДУ, 2 паліклінікі, СДЮШАР па вуліцах Рафіева, Слабадская, С.Ясеніна, Громава, Касманаўтаў, праезд Слабадскі, праспекты Дзяржынскага і Газеты «Звязда».

Падчас адключэння на лінію «101» паступіла 18 паведамленняў аб блакаванні людзей у кабінах ліфтаў. Работнікі МНС дэблакавалі з ліфтаў 19 чалавек.

У выніку адключэння таксама адбылося спыненне руху 7 тралейбусных маршрутаў. Затрымка склала 37 хвілін. Пацярпелых няма. А 19:44 электразабеспячэнне спажыўцоў адноўленае», - гаворыцца ў паведамленні.