Беларусы Вільні адзначаць Дзень Волі
1- 17.03.2015, 16:19
- 6,920
25 сакавіка ў сталіцы Літвы адбудзецца традыцыйнае святкаванне Дня Волі.
Пра гэта сайту charter97.org паведамілі арганізатары мерапрыемства.
Праграма святочнага дня пачнецца а 12:00 з ускладання кветак падпісчыкам Акту Незалежнасці Беларускай Народнай Рэспублікі 25 сакавіка 1918 году, пахаваным на Віленскіх могілках Росы (Rasų g. 32).
Пазней, а 14:00, у Сейме Літоўскай Рэспублікі адбудзецца дыскусія «2015 у Беларусі - калі геапалітыка бярэ верх над каштоўнасцямі дэмакратыі», у якой возьмуць удзел беларускія і літоўскія палітыкі, праваабаронцы і грамадскія дзеячы, сваякі палітычных зняволеных.
Скончыцца Дзень Волі святочным канцэртам Лявона Вольскага і Паўла Аракеляна ў «Užupio kavinė» (Užupio g. 2). Пачатак а 18:00. Уваход вольны.
Арганізацыйны камітэт Дня Волі ў Вільні заклікае ўсіх беларусаў Вільні, калег, партнёраў, а таксама гасцей літоўскай сталіцы далучыцца да святкавання, прысвечанага Дню Волі.
Акрамя сталіцы Літвы Дзень Волі адзначаць у Варшаве. Традыцыйна была пададзеная заяўка на правядзенне мітынгу ў Менску.