Прэм'ер-міністр Польшчы: «Іскандэрамі» Пуцін спрабуе паўплываць на пастанову ЕЗ
20- 18.03.2015, 8:41
- 30,511
Масква павялічвае ціск на лідараў ЕЗ перад самітам 19-20 сакавіка.
На гэтай сустрэчы будзе падымацца пытанне санкцый супраць РФ. Пра гэта заявіла прэм'ер-міністр Польшчы Эва Копач, піша «Украинская правда» са спасылкай на Agence France Presse.
«Расея робіць такія жэсты напярэдадні чарговага саміту ЕЗ 19-20 сакавіка, каб атрымаць рычаг уплыву на пастанову Еўрапейскай рады што да санкцый, - сказала яна. - Мы фіксуем павышаную актыўнасць у Балтыйскім моры і ў паветранай прасторы над ім, аднак прычын біць трывогу пакуль няма».
Нагадаем, расейскія аператыўна-тактычныя комплексы «Іскандэр» перабазуюцца ў Калінінградскую вобласць у рамках раптоўнай праверкі боегатоўнасці, распачатай 16 сакавіка на загад Уладзіміра Пуціна.
Аператыўна-тактычны ракетны комплекс 9К720 «Іскандэр-М» выпускаецца на замену састарэлым комплексах 9К79 «Кропка» (9К79-1 «Кропка-У»). Далёкасць дзеяння ракет - 500 кіламетраў. Аэрабалістычныя ракеты комплексу кіруюцца на ўсім працягу палёту, што робіць іх траекторыю непрадказальнай і абцяжарвае перахоп сродкамі СРА. Таксама комплекс можа ўжываць высокадакладныя крылатыя ракеты Р-500.