Абама і Меркель дамовіліся не аслабляць санкцыі супраць Масквы

Прэзідэнт ЗША і федэральная канцлерка Нямеччыны абмеркавалі сітуацыю ва Украіне, пагадзіўшыся не аслабляць санкцыі супраць расейскай эканомікі.

Пра гэта гаворыцца ў афіцыйным паведамленні Белага дома, піша LB.ua.

«Лідэры абедзвюх краін дамовіліся аб неабходнасці поўнай і неадкладнай імплементацыі трох менскіх дакументаў з мэтай дасягнення моцнага і мірнага ўрэгулявання канфлікту», - падкрэслілі ў адміністрацыі прэзідэнта ЗША.

Пры гэтым Абама і Мэркель пацвердзілі адзінства поглядаў. «Пакуль Расея не выканае свае абавязанні згодна менскім дамоўленасцям, паслаблення санкцый, накладзеных на яе, не адбудзецца», - гаворыцца ў паведамленні.

Бакі таксама падкрэслілі важнасць эканамічнай падтрымкі Украіны, якая цяпер уводзіць неабходныя рэформы, падкрэслілі ў Белым доме.

Фота з архіву AP