Беларусы маглі стаць ахвярамі туніскіх тэрарыстаў

Сярод пасажыраў лайнера MSC Splendida ў Тунісе былі двое грамадзян Беларусі.

Але ў гісторыі з захопам закладнікаў яны не пацярпелі і шчасна вярнуліся на борт.

Пра гэта БелТА распавялі ў прэс-службе МЗС Беларусі.

"Шчыльны кантакт з кампетэнтнымі італійскімі органамі дазволіў амбасадзе Беларусі ў Італіі выявіць наяўнасць двух грамадзян Беларусі сярод турыстаў круізнага лайнера MSC Splendida, пасажыры якога напярэдадні сышлі на бераг у Тунісе, каб наведаць музей "Брага". З інфармацыі ў пасольстве, якая паступіла ад італійскай стараны, грамадзяне Беларусі не пацярпелі. Яны вярнуліся на борт судна, якое ўжо пакінула Туніс у кірунку Барселоны - наступнага пункта прызначэння", - паведамілі ў МЗС.

Паводле апошняй інфармацыі ТАСС, колькасць ахвяр тэракту ў музеі "Брага" ў сталіцы Туніса ўзрасла да двух дзесяткаў чалавек. Такія звесткі падаў сёння ў эфіры французскага інфармацыйнага тэлеканала BFM-TV кіраўнік туніскага МЗС Таеб Бакуш.

Трое баевікоў, якія напалі на турыстаў, затрыманыя. Раней паведамлялася аб тым, што падчас спецаперацыі для вызвалення закладнікаў былі знішчаныя два тэрарысты. Таксама выказваліся здагадкі, што некалькім іх хаўруснікам удалося ўцячы. Згодна з першай інфармацыі, тэракт арганізавалі баевікі з групоўкі "Окба ібн Нафаа", звязанай з "Аль-Каідай у краінах ісламскага Магрыба".

Пераапранутыя ў вайсковую форму баевікі 18 сакавіка пад'ехалі на аўтамабілі да тэрыторыі музея "Брага" ў Тунісе, размешчанага побач з будынкам парламента, і адкрылі бязладны агонь з аўтаматычнай зброі. Пасля гэтага яны захапілі замежных турыстаў, якія знаходзіліся паблізу. У момант нападу ў музеі і каля яго знаходзіліся не менш за 100 наведвальнікаў, большасць з іх удалося своечасова эвакуяваць.