Турцыя не прапусціць LNG-танкеры з газам ва Украіну

Турцыя не дазволіць праход праз праліў Басфор танкераў, якія маглі б даставіць звадкаваны газ ва Украіну.

Пра гэта сказаў пасол краіны ва Украіне Ёнэт Дж. Тэзель у інтэрв'ю «Укринформу».

Прычынай гэтай пазіцыі з'яўляецца пытанне бяспекі і магчымыя рызыкі для жыхароў Стамбула і самога горада, які перасякае Басфор. «Праход LNG-танкераў праз Басфор - праблематычнае пытанне. Перш за ўсё, гаворка ідзе пра бяспеку ва ўжо даволі загружаным і вузкім праліве. Стамбул - густанаселены горад, а LNG-танкеры значна большыя за нафтавыя. У выпадку аварый, а яны з нафтавымі танкерамі ўжо здараліся , наступствы для насельніцтва і Стамбула будуць разбуральнымі», - сказаў Тэзель.

Ён адзначыў, што ў гэтым пытанні размова не ідзе уласна пра Украіну. «Мы б гэтак жа адказалі любому іншаму суседу па Чорным моры, які б звярнуўся да нас з нагоды праходжання LNG-танкераў праз Басфор», - сцвярджае пасол.

Украінскі бок уважае аргументы Анкары палітычна матываванымі і звязанымі з візітам Пуціна ў Турцыю ў снежні.