У Вільні ўшанавалі памяць героя Беларусі Кастуся Каліноўскага
4- 22.03.2015, 20:29
- 8,823
Сёння ў Вільні праходзяць акцыі памяці нацыянальнага героя Беларусі і Літвы Кастуся Каліноўскага.
22 сакавіка 1864 года ён быў публічна павешаны на рынкавай плошчы.
Ля мэмарыяльнай дошкі ў гонар Кастуся Каліноўскага выступілі палітычныя і грамадскія дзеячы. Затым было арганізаванае шэсце ад месца, дзе царскімі войскамі быў пакараны Каліноўскі, да Лукішскага пляцу.
Каталіцкія святары правялі набажэнства ў гонар нацыянальнага героя. А Міністэрства абароны выставіла ганаровую варту і ўсклалі кветкі каля Крыжа памяці, піша БелаПАН.
Арганізатарамі акцыі выступілі таварыства беларускай культуры ў Літве, Беларуская Нацыянальная памяць, Асацыяцыя «Крывія», Віленскае Беларускае таварыства палітычных вязняў і высланых супольна з Міністэрствам абароны Літвы і мэрыяй Вільні.
Фота і відэа: belsat.eu