ЗША пачалі вайсковыя вучэнні ў Румыніі і Балгарыі

ЗША распачалі вайсковыя вучэнні на тэрыторыі Румыніі і Балгарыі. Аперацыя носіць назву «Атлантычная рашучасць».

Пра гэта паведамляе прэс-служба Пентагона, піша Lenta.ru.

У аўторак, 24 сакавіка, вайскоўцы 173-й паветрана-дэсантнай брыгады высадзіліся на румынскім навучальным палігоне Смардан для правядзення камбінаваных манеўраў сумесна з румынскімі хаўруснікамі.

Адначасова жаўнеры мабільнага разведвальнага палка праводзяць імітацыю наземнага нападу з боку авіябазы Міхаіла Кагэлнічану.

Падраздзяленне з 200 дэсантнікаў, узмоцненае цяжкай тэхнікай, і наземныя часткі румынскага войска правялі камбінаваную аперацыю захопу цэлі, а таксама баявыя артылерыйскія стрэльбы.

Раней NATO правяло ў гэтым рэгіёне марскія вучэнні. 3 і 4 сакавіка судны альянсу правялі вучэнні ў заходняй частцы Чорнага мора, а таксама наведалі балгарскі порт Варна. Пасля трохдзённага візіту ў румынскі порт Канстанца караблі NATO працягнулі вучэнні ля ўзбярэжжа гэтай краіны. У іх таксама ўзялі ўдзел румынскія войскі.

Караблі адпрацоўвалі дзеянні ў забеспячэнні СПА карабельнай групоўкі, барацьбе з падводнымі лодкамі, адбіццё нападаў малых ракетных катэраў, а таксама манеўраванне караблёў.

Акрамя таго, у сакавіку прайшлі вучэнні з удзелам амерыканскіх падраздзяленняў у Эстоніі і Літве. Калоны амерыканскай вайсковай тэхнікі, якія рухаліся на базы ў Нямеччыну, прайшлі праз Польшчу.

У канцы студзеня 2015 NATO пацвердзіла планы аб стварэнні камандных пунктаў і сіл хуткага рэагавання ў шасці краінах Усходняй Еўропы. Гаворка ідзе аб Эстоніі, Латвіі, Літве, Румыніі, Польшчы і Балгарыі. Чакаецца, што колькасць сіл рэагавання альянсу будзе павялічана з цяперашніх 13 тысяч да 30 тысяч.