Эстонская кампанія стварыла пераноснае бамбасховішча

Выпрабаванні пластыкавага бамбасховішчы на ўстойлівасць пры бамбёжках з паветра пройдуць у чацвер у Эстоніі на палігоне ў Тапа.

Яны будуць праведзеныя падчас вучэнняў ВПС Эстоніі і ЗША, якія праходзяць тут, паведамляе «Интерфакс».

«Спачатку бомбы будуць класціся далей ад сховішчаў, а затым усё бліжэй і бліжэй. Мэта - зразумець, як далёка можа зваліцца бомба з самалёта, каб у прытулку было бяспечна», - распавёў кіраўнік фірмы вытворчасці ваеннай тэхнікі Terramil Крыста Кірсі, якога цытуе эстонская газета «Ээсти Пяевалехт».

Згодна з ягонымі падлікамі, гэта адлегласць можа быць да 10 метраў, але гэта залежыць ад глыбіні залягання прытулку.

Бамбасховішча абсталяванае ўсім неабходным для жыццезабеспячэння. Модуль даўжынёй 6 метраў і вышынёй 2,2 метра разлічаны на 12 чалавек і можа ўсталёўвацца за 1,5 гадзіны.

Бамбасховішча вагой да 2 тон можа дастаўляцца да месца прызначэння на грузавіку, затым паглыбляцца ў зямлю пры дапамозе экскаватара. У адрозненне ад бетонных сховішчаў, яго пластыкавы корпус не прапускае ваду, тут суха і адносна камфортна. Ён можа злучацца з аналагічнымі модулямі і з яго можна будаваць своеасаблівыя падземныя мястэчкі. За лёгкасць дастаўкі і ўстаноўкі яго празывалі «пераносным» сховішчам.