У Глыбокім выдалі кнігу камандзіра беларускіх «лясных братоў»
7- 27.03.2015, 21:12
- 14,674
У горадзе Глыбокае прайшла прэзентацыя кнігі вершаў Віктара Сікоры "Шурпатая дарога".
Кніга была выдадзеная намаганнямі грамадскіх арганізацый Глыбоччыны, паведамяле "Еўрарадыё".
Віктар Сікора (1925 - 2008) - беларускі патрыёт, ураджэнец вёскі Малыя Алашкі на Шаркаўшчыне, сын знакамітага садавода Івана Сікоры. У гады Другой сусветнай вайны ён быў чальцом Беларускай незалежнай партыі. Вясной 1945 стварыў беларускі антысавецкі партызанскі атрад. Быў арыштаваны ў снежні 1945 года, асуджаны на 10 гадоў пазбаўлення волі. У Беларусь вярнуўся ў канцы 1954 года. Вершы пачаў пісаць яшчэ ў зняволенні.
На архіўным відэа Сікора распавядае пра свайго бацьку, у другой частцы - прэзентацыя ягонай кнігі.