Экс-прэм'ер Ізраілю прызнаны вінаватым у карупцыі
1- 30.03.2015, 12:12
- 4,719
Суд Ізраілю прызнаў былога кіраўніка ўрада краіны Эхуда Альмерта вінаватым у махлярстве і злоўжыванні грамадскім даверам.
Альмерт абвінавачваўся ў атрыманні хабараў падчас будаўніцтва прэстыжнага жылога комплексу ў Ерусаліме, калі ён займаў пасаду мэра горада, паведамляе BBC.
Ключавую ролю падчас расследавання адыгралі паказанні начальніка канцылярыі былога прэм'ер-міністра Шулы Закен.
Цягам трох гадоў знаходжання на пасадзе прэм'ер-міністра Альмерта пераследавалі карупцыйныя скандалы, і ў лютым 2009 года ён быў вымушаны падаць у адстаўку.
Ён стаў першым ізраільскім лідарам, якому пагражала пазбаўленне волі за ўчыненне крымінальных злачынстваў.
Фота: Reuters