Apple прэзентуе «разумны гадзіннік» 9 сакавіка

У панядзелак Apple правядзе прэзентацыю Apple Watch, першага цалкам новага прадукту з моманту выпуску iPad у 2010 годзе.

Упершыню гадзіннікі былі анансаваныя 9 верасня, і за мінулыя 6 месяцаў Цім Кук выдаваў макулінкі інфармацыі пра функцыі «самай персанальнай прылады» Apple ў розных інтэрв'ю, піша onliner.by.

Такім чынам, гадзіннік можна выкарыстоўваць для кантролю прыстаўкі Apple TV, як выдалены відашукальнік для iPhone і нават як рацыю (walkie-talkie). Улічваючы будучае моўнае абнаўленне, стане актуальная і праца з Siri.

Apple Watch запатрабуюць iPhone для паўнавартаснай працы, бо яна будзе цесна звязаная са смартфонамі на iOS - калі вы чытаеце пошту і наважыце адказаць, адпаведнае меню з'явіцца на заблакаваным экране тэлефона. Яны заменяць грувасткія аўтамабільныя ключы, з іх можна будзе рабіць тэлефонныя выклікі.

Гадзіннікі будуць вібраваць на руцэ, падахвочваючы да руху, калі вы засядзеліся. У пары з Bluetooth-навушнікамі слухаць музыку можна будзе без iPhone.

Яшчэ на першай прэзентацыі Кук адзначыў, што Apple зробіць найлепшыя ў свеце гадзіннікі, якія сінхранізуюцца з атамнымі гадзіннікамі з дакладнасцю 50 мілісекунд.

У гадзінніках будзе два дадаткі для кантролю здароўя - маніторынг дзённай актыўнасці і дадатак для заняткаў спортам. У Apple мяркуюць, што «людзі будуць выкарыстоўваць гадзіннікі так шчыльна, што іх прыйдзецца зараджаць кожны дзень».

Месяц таму на канферэнцыі Goldman Sachs Technology and Internet Цім Кук заўважыў, што да з'яўлення iPod ужо існавалі MP3-плэеры. Пасля гэтага ён сціпла адазваўся аб магчымасцях існуючых разумных гадзіннікаў і падкрэсліў, што сярод іх няма прадукту, які змяніў бы стыль жыцця людзей. Дасталася і Google Glass - іх у Apple уважалі за дурны ход з самага пачатку, бо «акуляры лезуць наперад, тады як людзі павінны мець магчымасць пакінуць тэхналогіі на заднім плане».

Кіраўнік Apple кажа, што чакае ад гадзін вельмі шмат чаго, любіць навінку і ўжо не ўяўляе свайго жыцця без іх і стартавая цана $ 349 - вельмі малая для той каштоўнасці, якія будуць несці гадзіны з Куперціна.

Прэзентацыя Apple Watch пачнецца заўтра ў 20:00.