Кветкі да свята ў Менску падаражэлі на траціну
13- 8.03.2015, 15:35
- 17,064
Віншаваць жанчын са святам мужчыны пачалі ўжо ў пятніцу.
З самай раніцы сталіца патанала ў кветках: купіць цюльпанчыкі-ружачкі можна было ля ўваходу ў метро, пераходах, крамах, гіпермаркетах. Кошты, дарэчы, яшчэ напярэдадні прадаўцы абяцалі не падвышаць да бясконцасці. Максімум - на 5 - 10 тысяч.
Журналісты «Комсомольской правды в Беларуси» наважылі даведацца, дзе кветачкі да свята самыя свежыя і даступныя. Перш за ўсё яны падышлі да прадаўцоў на вуліцы. Ля ўваходу на станцыю метро «Плошча Леніна» былі натоўпы прадаўцоў і пакупнікоў. У асноўным там прадавалі беларускія ружы і цюльпаны - па 35 і 20 тысяч рублёў за адну кветку. Дарэчы, гэта адзіны пункт, дзе можна было ўбачыць мімозы, і тыя за 120 тысяч за больш-менш прыстойную галінку. Мабыць, гэта новы беларускі павеў, жанчыны стаміліся ад вечных мімоз.
У пераходзе - прыкладна тая ж карціна, але ружы прыгажэйшыя, венесуэльскія, па 60 тысяч за штуку.
Далей ляжаць кветкі, наўпрост скажам, не першай свежасці - і герберы, і ружы. Але мужчыны бяруць, асабліва завялыя ружы з іскрамі. Мабыць, думаюць, што яны асабліва прыгожыя, хоць на самай справе бляскам «падгулялыя» кветкі ратавалі ад спісання. Зніжкі на іх, вядома, не зрабілі.
- Гандаль ідзе выдатна, хоць кошты паднялі ў сярэднім на 10 тысяч, - у спешцы распавядае прадавец, на хаду заварочваючы букецік. - Кветак замовілі ў 10 разоў больш, чым звычайна. Змятаць пачалі ўжо а 6-й раніцы. У асноўным мужчыны бяруць цюльпаны і ружы калегам.
Сапраўды, нядорага. Ружы па 15 - 33 тысяч, герберы па 12 - 16, архідэі ў збанках - 320 тысяч.
Для параўнання журналісты наведалі гандляроў кветкамі на ст. метро «Інстытут культуры». Напярэдадні прадаўцы там скардзіліся на адсутнасць попыту. Прыязджаем. Ужо не скардзяцца:
- Цьфу, цьфу, - стукае па дрэве гаваркая прадавачка. - Чаканні сябе апраўдалі. Працуем кругласутачна, ужо паехалі за новымі. Мы задаволеныя!
Кветкі на прылаўках выглядаюць свежымі, практычна ўсе імпартныя. Але даражэй, чым на вакзале. Ружы па 35 - 55, герберы па 35. Але калі купляюць шмат, робяць зніжкі.
Апошні пункт - ГЦ «Карона» на Кальварыйскай. Кошты тут вышэйшыя: ружы па 55 (і куставыя, і адзінкавыя), цюльпаны - па 25 тысяч, хрызантэмы - па 45 тысяч, а букецікі - ад 400 да 1,3 млн. Затое кветкі выглядаюць выдатна.
- У гандлёвыя цэнтры прыходзіць пэўны кантынгент людзей, грошай на кветкі мужчыны не шкадуюць. Пакупнікоў шмат, не скардзімся ні на попыт, ні на выручку, - патлумачыла супрацоўніца ў зале.
Розы | Тюльпаны | Герберы | Альстромерии | Цветочки в горшочках | |
На улице и в переходах | 35 - 60 тыс. | 15 - 20 тыс. | 16 тыс. | 20 тыс. | Крокусы и гиацинты по 60 тыс. |
В магазинах ДОРОРС | 15 - 33 тыс. | 15 тыс. | 12,5 - 16 тыс. | 12,5 - 20 тыс. | Орхидеи по 320 тыс. |
В ларьках у частников | 35 - 55 тыс. | 20, но со скидками по 17 тыс. | 35 тыс | 35 тыс | Фиалки по 100 тыс. |
В торговых центрах | 55 тыс. | 25 тыс. | 45 тыс. | 40 тыс. | Примулы по 65 тыс. |