Украінскае войска закончыла адвядзенне узбраенняў на Данбасе
3- 8.03.2015, 19:06
- 8,434
Украінская старана ў зоне правядзення антытэрарыстычнай аперацыі закончыла чацвёрты этап адвядзення цяжкага ўзбраення ад лініі размежавання.
Пра гэта сёння, 8 сакавіка, на брыфінгу ў Кіеве паведаміў прэс-афіцэр АТА Андрэй Лысенка, піша NEWSru.ua.
"Мы закончылі адвядзенне цяжкага ўзбраення ад лініі размежавання. Сярод іншага адведзеныя 100-мілімэтровыя гарматы "Рапіра" і "Рута", ракетныя ўстаноўкі залпавага агню "Град" і "Ураган", - сказаў Лысенка.
Ён адзначыў, што ўсе цяжкае ўзбраенне адводзіцца ў пэўныя месцы пад наглядам за гэтым працэсам назіральнікаў АБСЕ, журналістаў.
У той жа час, на Данецкім кірунку тэрарысты працягваюць назапашванне вайсковай тэхнікі.
"На Данецкім кірунку назіраецца назапашванне вайсковай тэхнікі і тэрарыстаў, цяжкая тэхніка застаецца ў гарадах Данецк, Макееўка, Жданаўка і Харцызск", - сказаў Лысенка.
Акрамя таго, паводле ягоных слоў, у зоне АТА актывізаваліся снайперскія групы супраціўніка.
"На жаль, мы адзначаем ўзмацненне дзеянняў снайперскіх груп. Менавіта гэты хлопец, які ўчора загінуў, ён загінуў ад кулі снайпера", - сказаў Лысенка.
За мінулы дзень у зоне правядзення антытэрарыстычнай аперацыі загінуў адзін украінскі вайсковец, 3 атрымалі раны.
"У выніку правакацыйных абстрэлаў загінуў адзін вайсковец і трое атрымалі раны", - паведаміў Лысенка.
Таксама Лысенка паведаміў, што за мінулы дзень у зоне АТА назіраліся палёты 18 беспілотнікаў-выведнікаў ворага на луганскім, данецкім, арцёмаўскім, краматорскім і марыупальскім кірунках. На апошнім, напрыклад, памежнікі зафіксавалі восем палётаў беспілотнікаў.
Паводле ягоных слоў, з 00.00 гадзін сённяшняга дня і да 8.00 ваеўнікі тройчы абстралялі ўкраінскія пазіцыі са стралковай зброі, а ўвогуле за мінулы дзень было зафіксавана 28 абстрэлаў сіл АТА.