Менчукоў просяць здаць зброю
45- 9.03.2015, 9:44
- 19,911
У Менску з 23 да 27 сакавіка пройдзе аперацыя «Арсенал».
Тым, хто незаконна захоўвае зброю, у чарговы раз прапануюць добраахвотна яе здаць і вызваліцца ад крымінальнай адказнасці, паведамляе «Минск-новости».
Такія комплексныя мерапрыемствы праводзяць у сталіцы штогод вясной і восенню. Асноўная іх мэта - супрацьдзеянне незаконнаму абарачэнню зброі, набояў, выбуховых прылад і выбуховых рэчываў. Падчас аперацыі міліцыянты правяраюць умовы захоўвання агнястрэльнай зброі ў гараджан і наяўнасць дазволу на яе.
- Паводле правілаў паляўнічыя стрэльбы, газавыя пісталеты, рэвальверы і іншае павінны знаходзіцца разам з набоямі не ў шафах або пісьмовых сталах, а сейфах, што зачыняюцца на замок або металічных скрынях з высокатрывалых матэрыялаў, - растлумачыў старэйшы інспектар у дазвольнай рабоце Кастрычніцкага РУУС Аляксандр Хаткоўскі.
Таксама падчас аперацыі прымаецца зброя на ўтылізацыю. Можна прыйсці і здаць дзедаву вінтоўку Мосіна, выпадкова знойдзеныя патроны і тым самым вызваліцца ад крымінальнай і адміністрацыйнай адказнасці. Нагадаем, што за незаконнае захоўванне такіх небяспечных прадметаў пагражае да 7 гадоў пазбаўлення волі.