Экіпаж Loganair выратаваў самалёт з пасажырамі за 7 секунд да падзення ў мора

У самалёт шатландскай авіякампаніі Loganair ударыла маланка. Ад падзення ў Паўночнае мора самалёт аддзяляла сем секунд.

Пілотам шатландскай авіякампаніі Loganair удалося падняць у вышыню пасажырскі самалёт, які пасля ўдару маланкі ледзь не ўпаў у Паўночнае мора, паведамляе Sky News. Самалёт выйшаў з піке ўсяго за сем секунд да магчымай катастрофы, паведамляе тэлеканал са спасылкай на звесткі прамежкавага дакладу аддзела расследавання авіяцыйных здарэнняў (AAIB), піша РБК.

Інцыдэнт адбыўся яшчэ ў ноч на 19 снежня 2014 года. Самалёт Loganair, на борце якога знаходзіліся 30 пасажыраў і тры чальцы экіпажа, ляцеў з Абердзіна ў аэрапорт Самбурга.

Судна мела ўсе шанцы ўпасці ў Паўночнае мора, у непасрэднай блізкасці ад якога апынулася пасля падзення ад удару маланкі. Нягледзячы на намаганні экіпажа, аўтапілот адмаўляўся набіраць вышыню. Адзін з пілотаў падаў сігнал бедства. У камандзіра экіпажа было ўсяго сем секунд на тое, каб прадухіліць катастрофу. За гэты час лётчык змог падняць судна і не даў яму ўпасці ў мора.

Самалёт паспяхова прызямліўся ў Абердзіне, атрымаўшы нязначныя пашкоджанні. Пасажыры не пацярпелі, але былі ўзрушаныя тым, што здарылася. Расследаванне AAIB не выявіла тэхнічных няспраўнасцяў, у тым ліку аўтапілота, якія маглі б растлумачыць інцыдэнт. Спецыялісты працягваюць вывучаць прычыны.

У пачатку красавіка інцыдэнт праз удар маланкі адбыўся з самалётам авіякампаніі Icelandair. Агулам палёт Boeing 757, які ляцеў з Рэйк'явіка ў Дэнвер, адбыўся без якіх-небудзь праблем, і толькі пасля прыбыцця ў Злучаныя Штаты пасажыры даведаліся, што ў насавую частку лайнера неўзабаве пасля ўзлёту ўдарыла маланка, якая прабіла дзірку ў ашалёўцы. Прэс-сакратар Icelandair Майкл Раўчэйзен заявіў, што ў паветры ўсе сістэмы самалёта працавалі нармальна. «Пасля ўдару [маланкі] не было ніякага сігналу, што самалёт нестабільны або непрыдатны для палёту», - сказаў прадстаўнік авіякампаніі.