Тавары ў Літве таннеюць
15- 13.04.2015, 18:30
- 28,624
Пакуль кошты ў Беларусі падвышаюцца, усё больш тавараў у суседняй Літве таннеюць.
Пра гэта сведчаць звесткі статыстыкі, піша ru.Delfi.lt.
"Мы заўважылі, што павялічваецца колькасць прадуктаў, кошты на якія зніжаюцца, і асабліва зніжаюцца кошты на прадукты харчавання. Захоўваюцца тэндэнцыі росту коштаў на паслугі", - сказала на прэс-канферэнцыі загадчыца Аддзела статыстыкі коштаў Дэпартамента статыстыкі Надзея Алеева.
Паводле яе слоў, імавернасць росту коштаў на паслугі захаваецца, аднак яна не змагла патлумачыць, чаму гэта будзе адбывацца.
З 100 тавараў, кошты на якія знаходзяцца пад наглядам, у 39 выпадках мела месца падаражэнне, у 35 выпадках - зніжэнне, а кошты на 28 тавараў засталіся без змены.