Штайнмаер: Расея вернецца ў G8, калі будзе выконваць замірэнне

Міністр замежных спраў Нямеччыны Франк-Вальтэр Штайнмаер выказаў надзею, што Расея вернецца ў G8.

Вяртанне Расеі ў "вялікую васьмёрку" будзе магчымае, калі будуць выконвацца ўмовы спынення агню ва Украіне, паведамляе BBC.

Супрацоўніцтва з Расеяй у межах G8 было спыненае пасля анэксіі Крыма, што супярэчыць міжнароднаму праву.

"Гэта відавочна: да таго часу, пакуль няма палітычных умоваў - як зараз - для такога важнага фармату, як G8, то і сама G8 больш не існуе - ні саміт, ні фармат як такі", - так тлумачыла гэта канцлерка Нямеччыны Ангела Мэркель.