З пераходам на беларускую мову на запраўках А-100 выраслі продажы
18- 17.04.2015, 10:11
- 11,655
На аўтазапраўках групы кампаній «А-100 АЗС» стала больш кліентаў.
З 1 студзеня 2015 на аўтазапраўках групы кампаній «А-100 АЗС» пачалі абслугоўваць кліентаў па-беларуску, а таксама перавялі службовую дакументацыю на беларускую мову.
Кіраўніца ўправы маркетынгу кампаніі Ніна Ніканорава ўжо свабодна размаўляе на беларускай мове і кажа, што так робяць усё больш яе калегаў, паведамляе «Радыё Свабода».
Са слоў Ніканоравай, пасля пераходу заправак на беларускую мову стала больш кліентаў:
«Продажы павялічыліся. Бо мы прыцягнулі да сябе частку модных і прагрэсіўных людзей, якія падзяляюць нашу пазіцыю ў дачыненні да пашырэння выкарыстання беларускай мовы».