Мітынг на рынку ў Горадні: Прадпрымальнікам пагражаюць «высяленнем»

Прадпрымальнікі рынку «Карона» пратэстуюць супраць новых правілаў адміністрацыі.

1 красавіка працоўны дзень на рынку «Карона» прайшоў зусім не спакойна. Новыя жорсткія патрабаванні адміністрацыі да арандатараў павільёнаў прымусілі прадпрымальнікаў выйсці на стыхійны сход, піша onliner.by. «Іпэшнікаў» падтрымалі і прадстаўнікі прафсаюза, аднак генеральны дырэктар ЗТАА «Карона» Кірыл Дарашук у сваёй пастанове непахісны: «Я ўсяго толькі патрабую ад арандатараў выконваць рэжым працы. Гэта маё законнае права».

«У нядзелю нам, прадпрымальнікам, прынеслі новую дамову, якую мы павінны былі падпісаць да 1 красавіка. У выпадку, калі мы гэтага не зробім, нам пагражаюць «высяленнем» з «Кароны», дзе размяшчаюцца рынак і два гандлёвыя цэнтры. Новы дакумент не задавальняе ніводнага арандатара, так як трэба павялічыць час працы. Акрамя таго, уводзіцца падвышаючы каэфіцыент за невыкананне абавязкаў паводле дамовы, - пералічвае «перавагі» дадатковага пагаднення прадпрымальнік Канстанцін. - Спрадвеку на рынку існаваў такі парадак: я, як індывідуальны прадпрымальнік, сам магу прызначыць сабе графік ў межах працоўных гадзін гандлёвага цэнтра. Рынак заўсёды працаваў з 10 да 18 гадзін. Мы ж адкрываліся хто з 10:00, хто з 11:00, хто з 12:00 - у залежнасці ад таго, у каго якія праблемы, справы. Новая дамова прадугледжвае абавязковую працу з 10:00 да 19:00 у буднія, а ў выходныя - з 9:00 да 19:00. У выпадку невыканання гэтых патрабаванняў адміністрацыя прымяняе падвышаючы каэфіцыент да арэнднай платы 1,2. Гэта значыць накладвае штраф. Гэта, на мой погляд, неправамерна».

Са слоў прадпрымальніка, 1 красавіка, арандатарам зусім не да жартаў. На рынку адбыўся стыхійны сход, прыязджалі работнікі прафсаюза, якія патлумачылі «іпэшнікам»: адміністрацыя не мела права ўносіць змены ў такі кароткі тэрмін і падымаць арэндную плату без ўзгаднення ўмоў з дзяржаўнымі органамі. У сваю чаргу, прадстаўнікі адміністрацыі таксама не бяздзейнічалі. Разам з супрацоўнікамі аховы яны пачалі апячатваць павільёны тых, хто не падпісаў новае пагадненне. Прадпрымальнікі спрабавалі адстаяць сваіх калег. Абстаноўка напалілася да мяжы.

«Нягледзячы на цяперашнюю нізкую пакупніцкую здольнасць беларусаў, мы працуем. Стараемся змагацца. Хто-небудзь з прадпрымальнікаў пераходзіць на дакументы, хтосьці працягвае працаваць па-старому. І тут раптам такі «падарунак». Адміністрацыя кажа, што хоча прыцягнуць новых пакупнікоў. Але мабыць, гэта жадаюць зрабіць за наш кошт. Каб мы самі ладзілі акцыі, распродажы, самі абсталявалі гандлёвыя кропкі камерамі відэаназірання, працавалі звыш нормы... Мы спрабавалі весці дыялог з кіраўніцтвам, але нас ніхто не слухае. Сход прайшоў эмацыйна», - канстатаваў ён.

Каб выслухаць другі бок канфлікту, журналісты звярнуліся за каментаром да генеральнага дырэктара ЗТАА «Карона» Кірыла Дарашука. І вось што ён адказаў:

- Мы не мяняем рэжым працы рынку. Дзейны рэжым - з 10:00 да 19:00 у аўторак - пятніцу і з 9:00 да 19:00 у выхадныя. У больш ранніх рэдакцыях дамовы было прапісана, што арандатар мае права ўсталёўваць свой рэжым працы ў гадзінах працы рынку. Але праз тое, што большасць прадпрымальнікаў не выконвае пазначаны імі ж рэжым працы, мы змянілі ўмовы. Арандатары ўзгаднілі 28 варыянтаў рэжыму працы: ад трох працоўных гадзін у дзень да дзесяці. Але ў рэальнасці на працу да 10:00 выходзіць блізу 6-12% прадпрымальнікаў. Хоць афіцыйна працоўны дзень пачынаецца а 9:00. Да 11:00 прыходзіць да 48%. Ужо з 16:00 боксы зачыняюцца і спыняюць працаваць, хоць рынак адкрыты да сямі. Рынак губляе прывабнасць, у тым ліку і ў сувязі з тым, што да 12:00 ніхто з прадаўцоў не знаходзіць часу прыходзіць і пасля 16:00 ніхто ўжо не працуе. Прадпрымальнікі робяць упор на тое, што да 12:00 і пасля 16:00 наведвальнікаў няма. Але я ведаю пункт гледжання пакупнікоў, калі яны кажуць: «Няма сэнсу прыходзіць у гэтыя гадзіны, таму што няма прадаўцоў».

- А велічыня арэнднай стаўкі задавальняе арандатараў?

- Максімальная стаўка ў нас на рынку - 300 000 за квадратны метр. Нават з улікам павышэння, $20 за кв. м, - гэта не ёсць шалёны кошт. Гэта ўсё рынкавы кошт.

- У прадпрымальнікаў цяпер складаныя часы. Вы не думалі, што менавіта праз гэтага рынак губляе прыбытковасць, а не праз рэжым працы?

- Калі ў чалавека цяжкія часы, ён прыкладае намаганні для таго, каб працаваць. А калі ў мяне большая частка рынку працуе толькі тры гадзіны ў дзень, я не бачу, што яны пакутуюць. Калі б мая арганізацыя працавала ў такім фармаце, я б згалеў.

Яшчэ раз падкрэслю: дадатковае пагадненне не мяняе рэжым працы прадпрымальнікаў. Да 1 жніўня я папрасіў іх выконваць свой рэжым працы, які ўжо зацверджаны і ўзгоднены і які яны не выконваюць. Фактычна, гэта маё законнае права. У большасці гандлёвых аб'ектаў, якія на нешта прэтэндуюць, арэндадаўца жорстка кантралюе час пачатку і заканчэння працы. Ад гэтага залежаць пакупніцкія патокі.