Лукашэнка прапаноўвае весці перамовы з тэрарыстамі

Дыктатар мяркуе, што ўлады Украіны павінны весці перамовы з баевікамі ДНР і ЛНР.

Пра гэта Аляксандр Лукашэнка заявіў у інтэрв'ю медыяхолдынгу «Блумбэрг», паведамілі ў ягонай прэс-службе.

«Я са стараны, мне прасцей, але я так думаю: а як бы я павёў сябе на месцы кіраўніка Украіны? Вы ведаеце, чалавечае жыццё, тым больш чалавечыя жыцці значна больш каштоўны і даражэйшыя за любыя канфлікты, тэрытарыяльныя прэтэнзіі і іншае, іншае. Дзеля жыцця людзей, каб не гінулі людзі, маладыя людзі, я б пайшоў на кантакты з любымі. І тут не пазбегнуць канкрэтных кантактаў з цяперашнімі кіраўнікамі ДНР і ЛНР», - сказаў ён.

Аляксандр Лукашэнка перакананы, што канфліктуючыя бакі ва Украіне павінны сесці за стол перамоваў.

«Калі ў лоб задаць пытанне вось гэтым, што адкалоліся, або тэрыторыям, якія сябе называюць ДНР і ЛНР, калі там задаць канкрэтнае пытанне» вы дзе хочаце быць?», яны будуць казаць пра тое, што яны хочуць быць ва Украіне. У насельніцтва, якое там засталося, і, упэўнены, нават у кіраўнікоў няма жадання, каб з імі адбылося так, як з Крымам. Абсалютна. Так што яшчэ трэба? Ведаючы пра тое, што гэта твая зямля і што там людзі хочуць жыць ва Украіне, чаму не рабіць крокі насустрач і не сесці за стол перамоваў з кіраўнікамі?! Гэта першае».

Дыктатар упэўнены, што ўлады Украіны павінны змяніць Канстытуцыю краіны.

«Другое. Але ўсё разумеюць, што трэба ва Украіне нейкія змены. І яны без змяненняў у Канстытуцыю немагчымыя. Хтосьці кажа аб федэралізацыі, пра аўтаномію, а ўкраінскія ўлады кажуць аб дэцэнтралізацыі. Давайце ў Канстытуцыі Украіны замацуем гэтыя абсалютна зразумелыя і неабходныя сёння для Украіны напрамкі. Дэцэнтралізацыя - добра. Трэба сёння гэтыя тэрыторыі прызнаць іх з асаблівым нейкім статусам - давайце зробім, спыніцца вайна. Адновім гэтыя тэрыторыі. Усе з часам утвараецца, калі мы хочам міру і цэласнасці Украіны.

Таму тут шэраг крокаў трэба мяняць - садзіцца з імі за стол перамоваў, дамаўляцца. Тым больш ясна, пра што дамаўляцца. Трэба змены ў Канстытуцыю. І выходзіць на мяжу Украіны з Расеяй, зачыняць яе. Расея, дарэчы, не супраць гэтага», - сказаў ён.

Дыктатар мяркуе, што расейскіх войскаў на Украіне няма.

«Расейцы не настолькі дурныя, каб пасылаць туды войскі і падстаўляцца». «Дастаткова ахвотных у Расеі паехаць туды ваяваць, класных спецыялістаў вайскоўцаў, якія прайшлі пэўную падрыхтоўку. І прыехаць на Данбас, за грошы ці з ідэйных меркаванняў, - сказаў кіраўнік беларускай дзяржавы. - Іх тысячы, якія прыехалі з Расеі. І не толькі з Расеі. Я інфармаваны аб тым, што там з'яўляліся людзі і з Беларусі, зараблялі грошы. Але папракаць Расею ў тым, што там рэгулярныя расейскія часткі прысутнічаюць, - гэта няправільна», - сказаў ён.

Лукашэнка таксама заявіў, што прэзідэнт РФ Уладзімір Пуцін не збіраецца аднаўляць імперыю.

«На Захадзе існуе меркаванне, што ён (Пуцін) хоча нейкую імперыю аднавіць. Ён у сутнасці іншы чалавек. Ён не будзе імкнуцца да аднаўлення нейкай імперыі. Але калі хтосьці ўжо занадта будзе нарывацца і ківаць пальцам у бок Расеі, ды яшчэ і дубінай размахваць, то нават не толькі Пуцін, у расейцаў такі менталітэт, што на дубіну Расея адкажа. Таму з Расеяй трэба быць акуратнымі. Няма ў Пуціна жадання чаго-небудзь там захапіць. Ён сучасны чалавек і разумее, што ў сучаснае час гэта вельмі небяспечна», - заявіў ён.

«І сёння кіраўніцтва Расеі ніколі не ставіла наўпрост пытанне аб тым, што Беларусь павінна быць у складзе Расеі. Былі нейкія, ведаеце, намёкі ў мінулым, на што я вельмі жорстка адрэагаваў. Мы былі і ёсць суверэнная, незалежная дзяржава . І ёй застанёмся», - падкрэсліў ён.