Аляксандр Глеб: Пытанне з інтэрв'ю часопісу SoFoot буду развязваць з адвакатамі

Беларускі паўабаронца Аляксандр Глеб пракаментаваў сваё нядаўняе інтэрв'ю французскаму часопісу.

«За 17 гадоў сваёй кар'еры ні разу не крытыкаваў трэнераў, з якімі працаваў... Што тычыцца інтэрв'ю, то такое са мной упершыню і я ўжо папярэдзіў французскае выданне, што далей буду развязваць гэтае пытанне з дапамогай адвакатаў. Хацелася б скончыць сваю кар'еру ў Турцыі і папрацаваць тут трэнерам», - прыводзіць словы Глеба tribuna.com.

Паведамлялася, асацыяцыя трэнераў Турцыі выступіла з заявай што да слоў беларускага паўабаронцы «Генчлербірлігі» Аляксандра Глеба ў інтэрв'ю французскаму часопісу SoFoot, дзе ён назваў турэцкіх трэнераў «ідыётамі». У заяве арганізацыя прасіла футбаліста надалей сачыць за сваімі словамі.