ЕЗ патроіць выдаткі на выратаванне мігрантаў у Міжземным моры
- 24.04.2015, 10:58
- 2,041
ЕЗ павялічыць фінансаванне аперацый выратавання бежанцаў у Міжземным моры Triton і Poseidon як мінімум утрая ў 2015 і 2016 гадах.
Пра гэта гаворыцца ў заяве, прынятай паводле вынікаў пазачарговага саміту лідараў ЕЗ, прысвечанага праблемам нелегальнай міграцыі ў чацвер, піша "Европейская правда".
Між іншым, ЕЗ абавязаўся ўмацаваць сваю прысутнасць на моры "шляхам патроенаму ў 2015 і 2016 гадах фінансаванню аперацыі Triton і Poseidon і ўмацаванню шэрагу актываў, што дасць магчымасць павялічыць пошукава-выратавальныя магчымасці ў рамках мандата FRONTEX".
Дагэтуль фінансаванне гэтых аперацый склала 3 млн. еўраў.
Акрамя таго, лідары ЕЗ узгаднілі шэраг захадаў, якія дазволяць пашырыць барацьбу з нелегальнымі перавозкамі і асобамі, якія іх праводзяць.
"Адначасова вярхоўнаму прадстаўніку ЕЗ у замежных справах і палітыцы бяспекі і абароны даручаецца неадкладна пачаць падрыхтоўку да магчымага правядзення гэтай працы ў рамках агульнай еўрапейскай палітыкі бяспекі і абароны", - гаворыцца ў заяве.
ЕЗ таксама ўзмоцніць сваю актыўнасць у прадухіленні нелегальнай міграцыі, між іншым, гаворыцца аб умацаванні супрацоўніцтва з афрыканскімі краінамі рэгіёну, а таксама аб актывізацыі супрацоўніцтва з Турцыяй у сувязі з сітуацыяй у Сірыі і Іраку.
Пры гэтым ва ўмовах захавання права на прытулак, ЕЗ мае намер стварыць новую праграму вяртання нелегальных мігрантаў з прыфрантавых дзяржаў-сябраў.
Еўразвяз мае намер разгарнуць групы EASO ў прыфрантавых дзяржавах-сябрах для сумеснай апрацоўкі хадайніцтваў аб выдаванні прытулку.
Будзе створаны першы добраахвотны пілотны праект перасялення ў рамках Еўразвязу для асоб, якія падпадаюць пад дзеянне права на прытулак і абарону.
Першую справаздачу аб выкананні гэтага плана дзеянняў Еўракамісія павінна зрабіць сёлета ў чэрвені.