Шорац будзе змагацца з прадаўцамі семак

Мінгарвыканкам узмацняе барацьбу з несанкцыянаваным гандлем на вуліцах сталіцы.

Пра гэта было заяўлена 23 красавіка на нарадзе аб пытанні ліквідацыі несанкцыянаванага гандлю на вуліцах горада ў Менгарвыканкаме, паведамляе БелаПАН.

«Падчас нарады разгледжаныя праблемныя пытанні, звязаныя з ужываннем нормаў заканадаўства ў спыненні фактаў продажу фізічнымі асобамі харчовых і прамысловых тавараў, а таксама разгледжаны шэраг прапаноў узмацнення барацьбы з гэтай з'явай», - адзначылі ва ўпраўленні.

Адначасова выпрацаваныя канкрэтныя мерапрыемствы скарачэння неарганізаванага гандлю, у тым ліку і ўзмацненне жорсткасці адказнасці за гэтыя правапарушэнні.

Паводле вынікаў нарады прынятая пастанова правесці месячнік навядзення парадку на вуліцах горада з мэтай ліквідацыі гандлю з рук.

Як адзначылі ва ўпраўленні, «у горадзе праводзіцца паслядоўная праца спынення несанкцыянаванага гандлю». Так, з пачатку гэтага года праведзена больш за 500 рэйдаў такой тэматыкі, выдадзена грамадзянам блізу 300 прадпісанняў (папярэджанняў) і складзена больш за 300 пратаколаў аб адміністрацыйным правапарушэнні (сума штрафу ад 5 да 50 базавых велічынь).