Любімы санаторый Лукашэнкі прайграў суд сочынскім будаўнікам

Кіраванне справамі Лукашэнкі павінна выплаціць расейскаму падрадчыку кампенсацыю амаль у 1,2 млн даляраў.

Пастаўленая кропка ў трохгадовай судовай цяжбе паміж ДУ «Санаторый «Беларусь»(Чырвоная Паляна), што з'яўляецца даччынай структурай Упраўлення справамі Лукашэнкі і сочынскай будаўнічай кампаніяй «Новы горад - Вытворчыя тэхналогіі», піша «Заўтра тваёй краіны».

Арбітражны суд Паўночна-Каўказскай акругі не задаволіў хадайніцтва дзяржаўнай установы «Санаторый Беларусь» аб пераглядзе справы "праз наноў выяўленыя абставіны" і пакінуў у сіле ўсе ранейшыя судовыя пастановы, якія спрабаваў аспрэчыць беларускі бок.

Супрацоўніцтва санаторыя «Беларусь» і кампаніі «Новы горад - Вытворчыя тэхналогіі» пачалося ў 2006 годзе, калі была падпісаная дамова падраду на выкананне праектных і пошукавых работ у рэканструкцыі, капрамонту і будаўніцтва аб'ектаў. Сумесная праца доўжылася 5 гадоў. Канфлікт узнік у 2011 годзе, калі беларускі бок, не расплаціўшыся да канца, скасаваў дамову. Запазычанасць заказчыка на той момант складала блізу 1,06 млн. расейскіх рублёў. Цягам 2011 года ў рамках дадатковага задання ад санаторыя расейцы распрацавалі новую праектна-каштарысную дакументацыю, але грошай за працу не атрымалі.

Летась у сакавіку Арбітражны суд Краснадарскага краю паводле позвы кампаніі пастанавіў спагнаць на яе карысць з самага папулярнага ў Аляксандра Лукашэнкі замежнага санаторыя суму ў 62,3 млн. расейскіх рублёў: 55,3 млн. - у якасці платы за працу і 7 млн. - склалі адсоткі за карыстанне гэтымі грашыма ў 2012-2014 гадах.

Кіраўнічка справамі паспрабавала аспрэчыць пастанову, звярнуўшыся ў канцы мінулага года ў Пятнаццаты арбітражны апеляцыйны суд у Растове-на-Доне. Але спроба апынулася беспаспяховай.

Сёлета у сакавіку беларускі бок намагаў на пераглядзе справы "праз наноў выяўленыя абставіны". Аднак Арбітражны суд Паўночна-Каўказскай акругі не задаволіў хадайніцтва. Кіраванню справамі Лукашэнкі давядзецца выплаціць кампенсацыю расейскім будаўнікам.