Крывец у чатырох матчах запар не трапляе ў заяўку «Метца»
- 27.04.2015, 17:13
- 48,073
Беларускі паўабаронца «Метца» Сяргей Крывец апошнім разам трапляў у заяўку сваёй каманды ў рамках чэмпіянату Францыі 14 сакавіка.
Гэта быў матч супраць «Сэнт-Эцьена» (2: 3), і беларускі футбаліст правёў на полі 45 хвілін, выйшаўшы на замену ў другім тайме.
Такім чынам, Сяргей Крывец чатыры матчы запар не трапляе ў заяўку на матчы «Метца», піша by.tribuna.com.
Двойчы французскі клуб у гэтых гульнях згуляў унічыю і двойчы перамог.
Наступны матч чэмпіянату Францыі «Метц» правядзе 28 красавіка ў гасцях у ПСЖ у рамках 32 тура.
У гэтым сезоне Крывец правёў 22 матчы, у якіх забіў 1 гол і аддаў 2 галявыя перадачы.
Нагадаем, 28 сакавіка Сяргей Крывец праз пералом пальца на руцэ пакінуў нацыянальную каманду.