На беларуска-літоўскай мяжы эксперыментуюць з «электроннай чаргой»
- 29.04.2015, 14:54
- 18,975
У пункце пропуску «Каменны Лог» на беларуска-літоўскай мяжы з 28 красавіка да 1 чэрвеня 2015 г. праводзіцца эксперымент укаранення сістэмы электроннай чаргі.
Пра гэта паведаміў БелаПАН памочнік начальніка Смаргонскай памежнай групы Аляксандр Колабаў.
Электронная чарга дазваляе ўладальнікам (кіроўцам) транспартных сродкаў папярэдне забраняваць час уезду транспартнага сродку ў пункт пропуску.
Інфармацыя аб парадку электроннага бранявання часу ўезду транспартнага сродку ў пункт пропуску «Каменны Лог» размешчаная аператарам сістэмы электроннай чаргі на сайце РУП «Белмытнясэрвіс».
