Камітэт Еўрапарламента: Стратэгія стасункаў з РФ павінна памяняцца

Еўрапарламентарыі маюць намер змяніць стратэгію стасункаў з Масквой праз адсутнасці рэальных, а не дэкларатыўных зменаў да лепшага ў пуцінскай Расеі.

Праз тое, што цяпер Расеяй не выконваюцца дэмакратычныя прынцыпы і правы чалавека - асновы яе партнёрства з Еўрапейскім Звязам - трэба старанна перагледзець стасункі з Масквой. Так лічаць у камітэце Еўрапарламента міжнародных спраў. Пра гэта гаворыцца ў заяве, якая напярэдадні было прынятая на яго пасяджэнні, піша Deutsche Welle.

Адзначана, што цяперашняе пагадненне аб супрацоўніцтве Еўразвязу і Расеі прадугледжвае, што іх стасункі «грунтуюцца на прынцыпах дэмакратыі і захавання правоў чалавека», нагадаў асноўны дакладчык Габрыэлюс Ландсбэргіс. І цяпер, на думку еўрадэпутата, «надышоў час канстатаваць, што гэтыя асноўныя палажэнні не выконваюцца».

На ягоную думку, нармалізацыя стасункаў паміж ЕЗ і РФ магчымая толькі ў тым выпадку, калі Крэмль будзе ў поўнай меры выконваць менскія пагадненні, а таксама перастане замахвацца на тэрытарыяльную цэласнасць Украіны. А ў тым выпадку, калі сітуацыя «не палепшыцца», Еўропа можа весці «яшчэ большы ціск».

У чэрвені 2015 на галасаванне ў Еўрапарламенце будзе вынесены тэкст дакладу аб стасунках паміж ЕЗ і Расеяй. Праект дакумента прадугледжвае ўзмацненне жорсткасці санкцый, калі Масква не стане ў поўнай меры выконваць менскія дамоўленасці аб спыненні агню і не верне Крым Украіне.

Нагадаем, раней профільны камітэт Еўрапарламента прыняў даклад аб супрацьдзеянні прапагандзе Масквы, у якім заклікаў краіны ЕЗ шукаць расейскіх агентаў, а таксама весці ўзмоцненую падтрымку расейскім апазіцыянерам.