Палякі выбіраюць прэзідэнта
10- 24.05.2015, 8:30
- 27,684
Больш за 27 тысяч выбарчых участкаў адкрыліся ў нядзелю ў Польшчы а 07:00 раніцы паводле мясцовага часу (08:00 паводле Менску).
Яны будуць працаваць да 21:00. Толькі пасля заканчэння галасавання мясцовыя СМІ змогуць апублікаваць дадзеныя exit poll.
Нагадаем, першы тур прэзідэнцкіх выбараў у Польшчы адбыўся 10 траўня. У другі тур выйшлі дзейны кіраўнік Польшчы Браніслаў Камароўскі (пры падтрымцы кіроўнай у краіне партыі «Грамадзянская платформа») і кандыдат ад найбуйнейшай у краіне апазіцыйнай партыі "Права і справядлівасць" Анджэй Дуда.
Яўка на ім склала 48,96%. Першае месца заняў Анджэй Дуда - 34,76%. На другім месцы - дзейны прэзідэнт Польшчы з вынікам 33,77%.