Ева Лангорыя далучылася да Spice Girls на дні нараджэння Бэкхэма

Гурт Spice Girls практычна ў поўным складзе прыйшоў на дзень нараджэння футбаліста Дэвіда Бэкхэма.

Жонка спартоўца - Вікторыя Бэкхэм - апублікавала ў сваім Instagram некалькі фотаздымкаў, на якіх сярод «пярчынак» апынулася амерыканская акторка Ева Лангорыя. Як піша The Telegraph, на вечарыні ў Маракешы склалася ўражанне, што ўдзельніцы зноў уз'ядналіся.

Урачыстасць наведалі Мел Сі, Джэры Холіўэл і Эма Бантан. Яшчэ адна салістка - Мелані Браўн - на свяце адсутнічала, аднак яе замяніла Лангорыя, якая таксама прыйшла павіншаваць футбаліста. Сумеснае фота яна падпісала: «Я ў новым складзе Spice Girls!».

У канцы сакавіка Эма Бантан дапусціла магчымасць ўз'яднання калектыву, калі для яго будзе абраны зручны для ўсіх пецярых спявачак час, піша Lenta.ru.

«Я сустракалася з Джэры Холіўэл і Мэл Бі. Мы любім адна адну і любім разам выступаць - нічога не змянілася. Але ва ўсіх нас сольныя кар'еры, сем'і і насычаны графік выступаў. Гэта адзіная перашкода», - распавяла былая ўдзельніца Spice Girls.

Раней аналагічныя выказванні прагучалі ад Мэл Бі, яна адзначае, што 20-гадовы юбілей выхаду дэбютнага сінгла Spice Girls Wannabe можа стаць добрай нагодай для сумеснага тура або новага альбома.

Апошні выступ Spice Girls у поўным складзе адбыўся на Алімпіядзе-2012 у Лондане. На рахунку групы больш за 60 мільёнаў прададзеных альбомаў і дзевяць сінглаў, якія займалі першы радок у брытанскіх чартах.