Навукоўцы высветлілі, што дзве хвіліны хады ў гадзіну падоўжаць жыццё

Да такой высновы даследчыкі прыйшлі, прааналізаваўшы звесткі больш 3240 удзельнікаў.

Даследаванні, праведзеныя навукоўцамі з Універсітэта Юты, паказалі, што нават кароткія перыяды фізічнай актыўнасці прыносяць значную карысць для здароўя і дапамагаюць падаўжаць жыццё.

Да такой высновы даследчыкі прыйшлі, прааналізаваўшы звесткі больш 3240 удзельнікаў. Добраахвотнікі насілі спецыяльныя прылады для вымярэння ўзроўню іх актыўнасці, піша Healthvesti.com. Назірання пасля збору звестак вяліся цягам трох гадоў. За гэты час памерлі 137 чалавек, паведамляе rg.ru.

Высветлілася, што калі дзве хвіліны кожнай гадзіны прысвячаць хоць бы лёгкай фізічнай актыўнасці замест таго, каб прадаўжаць сядзець на канапе або за сталом, рызыка заўчаснай смерці зніжалася прыкладна на траціну. Для людзей з хранічнай хваробай нырак зніжэнне такой рызыкі было яшчэ большым - да 41 адсотка.

Калі проста стаяць дзве хвіліны цягам кожнай гадзіны, гэта не прыносіла ніякай карысці. Але калі людзі адводзілі гэты час звычайнай хадзе або працы па хаце, уплыў аказваўся значным.

Спецыялісты рэкамендавалі дадаваць 2 хвіліны хады кожную гадзіну да сваёй звычайнай дзейнасці, якая павінна ўключаць 2,5 гадзіны ўмераных фізічных нагрузак на тыдзень.