Камароўскі, Парашэнка і Пан Гі Мун сустрэнуцца ў Варшаве
- 7.05.2015, 14:51
- 9,811
Пятро Парашэнка сёння правядзе сустрэчу з генеральным сакратаром ААН Пан Гі Мунам і прэзідэнтам Польшчы Браніславам Камароўскім.
Пра гэта УНІАН паведамілі ў прэс-службе польскага прэзідэнта.
Трохбаковая сустрэча запланаваная на 17.00 паводле кіеўскага часу. Яна адбудзецца пасля двухбаковых перамоваў Браніслава Камароўскага і Пан Гі Муна.
"Размовы будуць тычыцца магчымасці больш моцнага ўдзелу ААН у развязанні расейскага-ўкраінскага канфлікту", - сказаў польскаму агенцтву (РАР www.pap.pl) міністр канцылярыі польскага прэзідэнта ў замежных справах Ярамір Сакалоўскі.
Пятро Парашэнка 7-8 траўня будзе знаходзіцца з візітам у Польшчы. У Гданьску прэзідэнт возьме ўдзел у мерапрыемствах з нагоды 70-й гадавіны перамогі над нацызмам.