Рассельгаснагляд адхіліў беларускае малако

Партыю малака беларускага вырабу спынілі ў пункце папярэдняга паведамлення «Красны Камень» на аўтадарозе М13 Бранск - Гомель.

Пра гэта сайту charter97.org паведамілі ва ўправе Рассельгаснагляду Бранскай і Смаленскай абласцей.

Пры правядзенні ветэрынарнага кантролю інспектары ўправы Рассельгаснагляду выявілі, што найменне вытворцы, названае ў пададзеным ветэрынарным сэртыфікаце і пасведчанні якасці, не адпавядае фактычнаму, пазначанаму на індывідуальным апакаванні і пакавальнай тары. Гэты факт выклікаў сумневы ў аб'ектыўнасці кантролю пры адпраўцы тавару, таму прынятая пастанова вярнуць малако адпраўніку.

Таксама 7 траўня пры правядзенні каранціннага фітасанітарнага кантролю спецыялісты ўправы Рассельгаснагляду забаранілі ўвоз з Беларусі больш як 155 тон расліннай прадукцыі. Гэтыя тавары кіраваліся ў Казахстан і суправаджаліся беларускімі рээкспартнымі фітасанітарнымі сэртыфікатамі.